Nurse hotuten Mizoram tlawh
Trained Nurses Association of India (TNAI) hotute chuan Mizoram an rawn tlawh a, Mizorama pawl hmalakna an enpui.
TNAI Mizoram Branch tlawhtute hi TNAI National president Prof(Dr) Roy K George, National secretary Evelyn P Kannan leh account officer-te an ni a. TNAI-in ram a lei tur Luangmual ami chu an enpui bakah audit neiin, Executive Committee nen an thukhawm bawk.
Prof (Dr) Roy K George hi thiamna lamah PhD a ni a. Tunah Baby Memorial Hospital-ah director (Academics) a nih bakah College of Nursing, Kazhikode Kerala-ah principal a ni. Indian Nursing Council-ah member a ni mek bawk.
TNAI hi kum 1908-a din niin, tunah hian ram pumah member nuai 3 chuang an awm a. Mizoram State Branch bikah hian member 3356 an awm mek. Nursing course trained chhuak tawh phawt chu membership fee pe in member an ni thei a. TNAI hian nurse-te tih hmasawnna leh hamthatna atan hma a la thin a ni.
Nurse hotuten Mizoram tlawh
Get real time updates directly on you device, subscribe now.