Nursing college-a hlankai turah lawm

Chief minister Pu Lalduhoma leh a kaihhruai sawrkar hmalakna chak tak zarah School of Nursing Thingdawl, Kolasib chu nursing college-a hlankaina tura cheng vaibelchhe 7 ruahman a ni tih ZPM Thalai chuan sawiin, thalaite tana zirna kawnga hmasawnna a nih vangin lawmawm an tih thu an sawi.
ZPM Thalai Hqrs. thuchhuak chuan, School of Nursing Thingdawl, Kolasib hian thawktute leh zirlaite thawhrimna zarah GNM (General Nursing & Midwifery) exam-ah pawh result tha tak tak an nei nual tawh, tiin, chutiang taka result tha nei tawh thin nursing school atanga nursing college-a hlankai a ni tur chu lawmawm a ti takzet tih a sawi.
‘Nursing college-a hlankai a nih theihna tura sawrkar hmalakna leh thawhrimna lawmawm kan ti a. Sawrkar hmalak zelna turah pawh kan thlawp zel dawn a ni,’ thuchhuah chuan a ti.