NYC-ah rapper Diddy an man

NYC-ah rapper Diddy an man
Diddy a hming tak Sean Combs chu an rama September ni 16 zan khan New York-ah an man. Diddy hi grand jury thil tisualah an puh a, eng nge an puhna erawh he thu buatsaih lai hi chuan puan a la ni lo.
Diddy uluk Marc Agnifilo chuan, “Keini lamin kan hriat dan chuan US Attorney Office-in Combs chungah hian hleihnei takin thil an ti ni a kan hriat avangin kan lawm lo khawp mai. Sean ‘Diddy’ Combs hi music icon, sumdawng, chhungkaw pa leh mi thilphal, midangte tana a sum leh pai te pawh theh chhuak nasa tak a ni, tun kum 30 chhunga huang zauhin a inbengbel a, fate tana pa duhawm, Mihang community chawikan nana thawk hlawk tak a ni. Tlin tawk lohna te chu a nei ve, mase, dan bawhchhetu chu a ni lo. Combs hian amah an chhuinaah pawh a buaipuitu lam hi tha takin a tawiawm zel a, heng puhna avang hian New York-ah a thlawk lut a ni. Engkim in hriatchian hma chuan thutlukna lo siam ringawt suh u. Thiam lohna nei lo, engmah thup leh zep tur nei lo thu leh hla a nih hi, court-ah a hmingthatna kan nei let leh thuai ang, an ti.
New York Times thudawnna chuan Diddy an puhna hi eng ber nge tih an la puang lo niin an tarlang a, hetihrual hian Agnifilo chuan Diddy hi sex trafficking lam kaihhnawihah puh nia an an hriat thu an tarlang ve thung. TMX-in a tarlan danin Combs hi FBI ten tuzawhfiah turin an kawl rih niin an sawi.
Diddy hian buaina neuh neuh a lo nei ve nual tawh a, civil lawsuit pariat chuang a hmachhawn mek a, tun kum hnih khat chhung hian civil lawsuit pariat vel a nei hman tawh a, chung zinga chuan a ngaihzawng hlui Cassie Ventura-i’n a puhna te pawh a tel. Cassie hian Diddya-’n kut a thlak lai video te a tidarh nghe nghe a ni.