OBC quota siam lohah Rahul inchhir

On Sep 23, 2023 17 0

Congress chuan UPA sorkarin other backward classes (OBC) hmeichhiate tana quota hran a siam lo leh, tuna women’s reservation bill pass taka siam hran a ni lo chu ‘pawi a ti’ tiin party leader Rahul Gandhi chuan a sawi a. Thuneihna an chang a nih chuan an party chuan caste-based census an kalpui ngei tur thu a sawi bawk.
Rahul Gandhi chuan Narendra Modi sorkar chu women’s bill chu census leh felimitation exercise nghak lova kalpui nghal tura a ngen thu a sawi bawk.
Bill pawm tak chu rilru lakpen nana hmanrua tia sawiin, “Kalpui tak tak turin kum 10 emaw a aia tam emaw hun a duh ang a, kalpui tak tak a ni ang em pawh kan hre lo. Ni reilote kaltaah khan sepcial session chu boruak ropui tak nena bultan niin old buiding atangin new building-ah kan insuan lut a. Thil tha a ni a, a tirah chuan agenda eng nge ni dawn pawh kan hre lo. A hnuah women’s reservation Bill a ni tih kan hre chauh a ni” tiin a sawi.
Footnote-ah Bill chu Census leh Delimitation kalpui hnua kalpui chauh tur tih a ni tia sawiin Rahul Gandhi chuan, “He Bill hi caste census demand ata rilru lakpen nana kalpui a ni” tiin a sawi bawk a. MP-te chu House-ah an awm ve tawp tia sawiin, “MP-te hian dan siamna lamah thuneihna reng nei lova siamin an awm a ni” a ti bawk.
“OBC, Adivasis leh Dalits officer-te hian Budget 5% chauh an thunun a. Prime Minister chuan OB leader a nih thu a sawi chamchi a, chuti chung si chuan eng vangin nge a lawk berah officer pathum chauh dah an nih le, a pawimawh hmasa ber chu caste census hmanga OBC-te hriatfiah a ni” tiin Gandhi chuan a sawi bawk.
India mipuite hnena thuneihna sem zai chu rahbi pawimawh hmasa a ni a ti a. Caste-census data atangin mipuite chu chak zawka thuamin an awm ang, tiin a sawi bawk.
“Thuneihna kan chan hunah chuan caste census chu neih a ni ang a, OBC community te tihchak niin governance-ah an inrawlh thuk ang” tiin a sawi bawk.
Kum 1996 atang khan Lok Sabha leh Legislative Assembly-ahte hmeichhiate tana 33% reservation siam chu tum a ni tawh a. UPA sorkar khan bill pawh a pharha kum 2010 khan Rajya Sabha-in a pawm hnuah Lok Sabha-ah ngaihtuah hman ni lovin a lapse zui a ni.