Observer hoin Mamitah thukhawm

Mizorama Lok Sabha inthlan neih tura expenditure observer Arvind Sharma hoin Zirtawpni khan Mamitah a kaihhnawih sawrkar official-te an thukhawm.
Expenditure kaihhnawih surveillance team hrang hrang member-te chu an tih tur leh tih loh turah chiang se a duh tih observer hian a sawi a. Mahni duty theuh tha taka an thawh theih nan inzir peih a, Standard Operating Procedure (SOP) tha taka zawm a, video thlalak uluk taka evidence atan la zel turin a chah.
MP inthlanah hian candidate-ten cheng nuai 95 thleng chauh election campaign expenditure atan Elecion Commission of India chuan a phal avangin uluk taka vil a, account vawngtha turin a chah a. ECI kutke an nih inhrerengin tha taka an hnaa inthlurbing a, inthlan felfai leh rualkhai a awm theih ngei a beisei tih a sawi a ni.
Distric election officer chuan surveillance team-te chu Mizo kan nihnaa kan inhmaizah thinna dahtha a, khauh taka dan kenkawh a pawimawh tih sawiin, lirthei veivakte pawh phal loh thil phur an awm loh nan check tam turin a chah. Police leh Excise & Narcotics lam atanga zu leh ruihhlo an man report ngaihthlak a nih bakah venhimna lama SP Mamit hmalakna ngaihthlak a ni bawk.
SP Mamit, Expenditure Monitoring nodal officer, asst. expenditure observer zawng zawng, Flying Squad leh Static Surveillance Team magistrate, Video Surveillance Team leh Video Viewing Team leader te, MCMC member secretary, Excise & Narcotics asst commissioner bakah SBI Mamit Branch manager-te an tel a ni.