Odisha a Cyclone Dana tihchhiat hlut zawng cheng vbc 600 chuang

Odisha a Cyclone Dana tihchhiat hlut zawng cheng vbc 600 chuang
Odisha revenue & disaster management minister Suresh Pujari chuan thlipui na tak Dana vanga an state chhunga chhiatna thleng zawng zawng hlut zawng chu cheng vaibelchhe 616.19 hu a nih thu a sawi.
Thlipui na tak cyclone dana hian october ni 25 chho khan Odisha khawchhak lam tuipui kam hi nasa taka nuaiin, ruah tam tham tak a sur bawk avangin chhiatna a thleng nasa hle a. Thing leh mau tluk nasat avangin electric eng a chhe nasa hle bawk. District 14 huamchhungah hmasawnna kawng hrang hrangin a tithuanawp a ni.
Minister Pujari sawi danin, thlipui tleh vanga in leh hmunhma chhia zawng zawng hlut zawng chu vaibelchhe 82.92 leh vaibelchhe 21.32 vel a ni a, vantlang thil chhia zawng zawng chu 512.26 bawr vel a ni bawk.
Pujari chuan chief minister hnen atanga phalna an hmuh hnu ni hnih emaw ni thum hnuah emaw harsatna tawkte chhawmdawlna pek a nih tur thu a sawi.
He chhawmdawlna bakah hian district tin hotute hnenah thlipui tleh laia emergency a tanpuina an pekchhuah do let ve nan fund pawh pek an nih tur thu sawiin, ni hnih chhunga district tin a thlen hman tur thu a sawi bawk.