Oil chhiah tihpun tihniam leh turin NGOCC-in ngen

Mizoram sawrkarin petrol leh diesel hralh atanga chhiah tih pun chu a sang lutuk deuh nia hria in NGO Coordination Committee chuan tihniam leh turin an ngen a, an ngen chhung hian eng pawl mahin mipui nghawng thei zawnga hma la rih lo turin an ngen
Thawhtannia NGO Coordination Committee thukhawm chuan, kumin August 30-a Mizoram sawrkar thuchhuah anga, Mizorama petrol leh diesel hralhchhuah atanga chhiah tihpun chu a punna a san lutuk avang leh mipui tan phurrit lian tak a nih avangin, sawrkarah tihniam leh tura ngenna siam nise, an hmalakna kalpui a nih chhung chuan eng pawl mahin mipui nghawng thei zawnga hma la rih lo turin a ngen tih a sawi.
Myanmar-a Zo hnahthlakten inunauna tha lehzual an neih theih nan pawl hrang hrang hruaitute kawm nise, an ti a. Inlungrualna tha tak an neih theih nan kawng zawnpui nise, an ti.
Manipur-a Zohnahthlak hnam hrang hrangte inphuarkhawmna tura pawl din Zo United kal zel dan tur pawh NGOCC hian ngaihtuahin, hun remchang hmasa berah Zo United hruaitute kawm nise, an ti.