Mizoram sawrkarin oil man a tihsanna chu a hmang leh rih dawn loa, Mizoram Commercial Vehicle Union chuan hman rih lohna tur thu hi October 12 ralhmaa tawngka ngeia sawrkar hmalak tum dan hriat an duh tih an sawi.
Oil man tihsan chungchangah NGO Coordination Committee leh Mizoram Commercial Vehicle Union (MCVU) hruaitute chu Ningani khan an inkawm a. Tunhnaia sawrkarin oil man a tihsan leh a kaihhnawiha MCVU-in October 14 atanga oil man san leh kawng chhia avanga tiamchin awm loa tlan loh an tum chungchang an sawiho.
October 8-a chief minister leh NGOCC hruaitute inkawmnaah chief minister hian oil man tih to chungchang hi cabinet thukhawm thurel a nih avangin cabinet bawkin a ngaihtuah leh a ngai a, thutkhawm koh thuai a ni dawn a, chumi hma chuan oil man tihsan hi hman rih loh ‘kept in abeyance’ a dah a nih tur thu a lo hrilh tih NGOCC hruaitute hian an sawi.
MCVU hruaitute chuan October 12 ralhma in sawrkarin MCVU hruaitute hnenah tawngka ngeiin hma lak an tum dan hrilhfiah se, an ti a. NGOCC hruaituten sawrkar leh MCVU hruaitute inkawm dan tur ruahmanna lo siam se, an ti.
Oil man tihsan hmang leh rih lo
Get real time updates directly on you device, subscribe now.