By. Rupa Chinai
Lettu: Malsawmtluangi
-- Advertisement --
Kum 2021 khan Union Cabinet chuan National Mission on Edible Oils—Oil Palm atan cheng vaibelchhe 11,040 a ruahman a, India hmarchhak State leh Andaman leh Nicobar Islands te chu a ngaih pawimawh ber a ni. Heng bialte hian Global Biodiversity Hotspot pathum an huam a, India rama ramngaw zau ber ber Thenkhat an nei a, ramsa chi hrang hrang mang mai hlauhawm tak tak, ramhmul damdawi chi hrang hrang, leh ramsa ei tur chi hrang hrang awmna hmun a ni. He mission hian palm oil chinna tur atan hian Tripura ai maha ram zau zawk a huam a ni.
Heng hmunah hian oil palm chin hi ecological leh cultural-a pawimawhna thuk tak nei a nih avangin khauh taka khap tur a ni a, mahse Assam leh Arunachal Pradesh-ah chuan heng phunna tur hi din a ni tawh a ni. Mizoramah chuan Kolasib leh Mamit district pumpui dah hran a ni.
Kum 2004 aTanga Mizoramin thlai an thar dan hi a tlahniam hle a. Heng palm oil phunna hmunte hian leilung a hnawl nasain, lei chung hang Tha thlai china hmun tur leh tui te a tichhe vek a ni. Phurh sawnna tura vei vahna tur leh milling atana infrastructure a awm loh avangin thlai chu a seng zawhah ro turin hnutchhiah a ni ringawt mai a. Loneitute chuan sum an la lut lo va, oil palm thlakna tur thlai dang hmanga thlak tumna pawh a hlawhchham a, a chhan chu leilunga lei chung hang Tha kan tih kha a tlakchham vang a ni. Mizorama oil palm plantation-a inhnamhnawih company pathum—Godrej, 3F, leh Patanjali’s Ruchi Soya-te chuan an hlawhchhamna chhanah hian mawhphurhna an la lo bawk a ni.
MIZORAN TAWNHRIAT A|ANGIN HENG HI A LANG CHIANG HLE
Ram neih dan inthlak danglamna: Oil palm chin hian ram neih dan chu khawtlang aTangin mimal kutah a sawn a. Gram Panchayat kan tih leh khawtlang hruaitu dangte’n anmahni ram enkawl theihna thuneihna chu company-te kutah a lut zel a. A nihna takah chuan ram chu oil palm hnuaiah “locked” a lo ni ta a, khawtlangte pawhin a enkawl danah thuneihna an nei ta lo. Mizoramah chuan hei hian loneitu teah retheihna nasa zawk thlen in, mi tam tak chuan an ram hralh a ngai hial bawk a ni.
Ram dik lo: Food and Agriculture Organization-in map a tih chhuahah chuan hmarchhak bial, tlang ram hmuna ram zaa 90 chuang chu oil palm chinna atan hian a tlak lo a ni.
Tui tlakchhamna: Oil palm hian tui a mamawh tam em em a, a kung tin hian ni khatah litre 250-300 vel a mamawh a ni. He mi bialah hian thla li chhung chauh ruahtui a tlak avangin khawtlangah tui tlakchhamna nasa tak a thlen phah a ni. Oil palm hian chemical fertilizer leh pesticide tam tak a mamawh tel bawk a, hei hian leilung a tichhiain lei chung hang Tha a tichhe zual nasa a, tui thianghlim awm theihna te pawh a tichhe bawk a ni.
Infrastructure: A rah thar chu seng a nih aTanga darkar 48 chhungin buaipui nghal a ngai a. Hei vang hian a tel her/sawrchhuahna hmun rang taka phurh thlen a ngai a, mahse he bial hian infrastructure a neih loh avangin a chingtute hlep ve tur pawh chu hlohah a chang nasa a ni.
Ei leh in lama harsatna: Thlai emaw thil chi khat chauh chin hi phaizawl hmun leh tlang hnuai lam ram tan a Tha a. Mahse, Mizoram tlangram hmunah, entir nan, Dampa Tiger Reserve bulah palm oil leh kuhva rah te phun a ni a, chu chuan a rah chhuah chu leihnuai tui ti roin a kang chat a, ramsa chungah nghawng a nei a, ramngaw nasa tak an hlohin an sum hnar tur an hloh nasa em em bawk a ni .
Lo neihna hmun Tha a tichhia: Leilung ram thlai thar Tha tak chhuah Thin te chu “ram chhia”-ah puan a ni a, monoculture cash crops, coffee, tea, areca nut, cardamom, leh teak te chu phun an ni bawk. Hengte hian ramhmul chi hrang hrang, thlai ei chi hrang hrang, mau, leh thing dang hemi hmuna awm sate chu a thlak a, environment-ah hun rei tak chhung nasa taka nghawng neiin, khawtlangah ei leh bar tlakchhamna a nasat phah bawk a ni.
Eizawnna hloh: Loneitu tam zawk chuan oil palm leh a ang chi monoculture thlai chin hian a hlauhawmna leh a nghawng a neih tur an hre lo a. Sorkar leh company-te chuan an sum leh pai lama hlawkna tur an sawi mawi laiin, an ram neih dan inthlak danglamna te, environment a khawih chhiatna te, hnathawk senso, chemical hman dan, leilung a khawih chhiain tuihna a tihchhiat dante bakah heng plantation-te hi a ram bial chhung leilung nen a inrem lo tih thute vaukhânna engmah an pe lo bawk a ni.
Loneitute pawh hi eizawnna tur dang, an chhunzawm zel theihna tur leh an sum mamawh phuhruk thei tur ruahmanna dang engmah pek an ni lo bawk a ni.
Mizoram oil palm chungchang ziaktu, Rupa Chinai hi Mumbai-a awm independent journalist a ni a, mipui hriselna leh hmasawnna chungchangah thu a ziak Thin. “Understanding India’s Northeast: A reporter’s Journal” tih lehkhabu ziaktu a ni.