olasib-ah Press Day hmang

Kolasib-ah Press Day hmang
Mizoram Journalists’ Association Kolasib District chuan Thawhtanni khan ‘National Press Day’ an hmang a. District bawrhsap Robert C Lalhmangaiha’n a hmanpui.
MJA Kolasib District vice president C Zomuanpuia chuan National Press Day tobul leh MJA Kolasib District-in an lo hman tawh thin dan a sawi a. MJA Kolasib District president Andrew Vanlalauva chuan kumin National Press Day thupui atana thlan, “Changing the Nature of the Press” tih hmangin thu a sawi.
Kolasib bawrhsap chuan journalist-te chu sawrkar leh mipui inkara palai hna thawktu pawimawh an ni tih sawiin, ram kalsiam hna thawh kawngah journalist-te an pawimawh tih a sawi. Khawvel thang chho zelah inbiakpawhna leh social media chak tak karah chanchinthar rintlak hriata phochhuah a nih theihnan mipuiin journalist-te thuchhuak an ngaichang reng a ni tih a sawi a ni.
National Press Day hi 1966 November 16-a din, ram pum huapa media-te thlungkhawmtu Press Council of India din ni pualin kumtin hman thin a ni a. Kumtin thupui neiin, media-te than chhoh zel dan tur leh hmasawnna tur, ram rawngbawlna kawnga media-ten hlawk zawka tha an thawh theih dan tur zirhona atan hman thin a ni.