Online-a ganja zuartu lian man
Online-a ganja zuartu lian man
Central Anti Drugs Squad leh Excise & Narcotics Department chuan thalaite zinga online-a ganja zuar leh a hlawma chahlut thin man tura hma an laknaah February 27 zing dar 3.30 vel khan man a ni.
Lalremsangpuia (24) hi Thuampui Venga cheng, Vairengte Chhim Veng nia insawi a ni a. CADS leh Excise & Narcotics chuan a tirah ganja gram 400 vel an mansak a, man a nih hnu hian a dang a dahna zawh niin, thudik a sawi duh loh avangin a ruihhlo dahna lai hmuh mai a harsa hle tih an sawi.
A ruihhlo chahluh hun leh a hralh dan a sawi a inmil loh avangin CADS leh END hian ringhlelin, an chenna in an dap nawn a. Uluk taka an dap hnuah, an sofa pakhat hnuaia thuhrukna tura a bik taka siam atangin ganja kg. 8.174 an hmuhchhuak a ni.
Thudawn danin Lalremsangpuia hi a vawikhatna a ni loa, a hma pawhin ganja kg.10 mansak a lo ni tawh.