Opposition meeting-ah tel kim hmel

Janata Dal (United) national president Rajiv Ranjan alias Lalan Singh chuan Chief Minister of Jammu and Kashmir ni tawh leh Peoples Democratic Party (PDP) president ni bawk Mehbooba Mufti pawhin Opposition meet June 23-a Patna a neih turah a tel tur thu a tichiang tiin a sawi.
“Political party hrang hrang 18 a opposition leader te chuan an tel tur thu an tichiang tawh a, chung zingah chuan Farooq Abdullah of National Conference leh Mehbooba Mufti of PDP te pawh telin an lokal dawn a ni,” tiin Singh chuan a sawi.
A hmain opposition leader – All India Congress Committee (AICC) president Mallikarjun Kharge, Rahul Gandhi, West Bengal Chief Minister Mamata Banerjee, Samajwadi Party chief Akhilesh Yadav, Jharkhand Chief Minister Hemant Soren, Former Chief Minister of Maharashtra Uddhav Thackeray, NCP chief Sharad Pawar, Tamil Nadu Chief Minister M.K. Stalin, Delhi Chief Minister Arvind Kejriwal, CPI general secretary D. Raja, CPI (M) general secretary Sitaram Yechury leh CPI (ML) general secretary Dipankar Bhattacharya te chuan an tel tur thu an lo tichiang tawh a ni.
Singh chuan party leaders tena Chief Minister Nitish Kumar chu prime ministerial candidate atana duha an aupui chu insum tura ngenin chutiang auhla chuan Opposition unity a tichhe thei tiin a sawi.
“Chutiang slogan aupui suh u. Nitish Kumar hi prime ministerial candidate a ni lo. Opposition inlungrual siam tuma bei mekin tichuan kum 2024 Lok Sabha inthlanah BJP te hnehin an awm thei dawn a ni. Hetiang auhla hian Opposition unity a tichhe thei a, prime ministerial candidate turin project suh u. PM chungchangah chuan inthlan zo phawt se la, chumi hnuah tihchian chauh a ni ang,” tiin Singh chuan a sawi bawk.
Singh chuan Prime Minister Narendra Modi sawiselna hun hmang bawkin, “Tuna kan ram dinhmun Prime Minister Narendra Modi kaihhruaina hnuaiah kum 1975 emergency lai ai khan a chhe zawk a. Sorkar ber hian engkim he ram history thlengin thlak danglam a tum a ni. Constitutional institution tin te ‘Press’ te democracy four pillar tihhial te thlengin derthawngin an awm a ni,” tiin Singh chuan a sawi bawk.