Osaka leh coach Mouratoglou inthen

Osaka leh coach Mouratoglou inthen
Serena Williams-i pawhin a lo rawih tawh French coach Patrick Mouratoglou leh Naomi Osaka-te thawhdunna chu a tawp fel ve leh ta.
Japanese leh Mouratoglou hi kum khat an thawhdun tlin hmain an inthen a; kan hnung deuh Washington Open-a Emma Raducanu a hneh loh hnu khan an inrawihna titawp turin thutlukna a siam ta a ni.
Tarlan tak angin, hmeichhe player ropui Serena major title 23 zinga 10 zet kha French coach nena an thawhdun chhunga an lak niin, four-times Grand Slam champion Osaka pawh hian nikum September thla China Open khelh tan hma lawk khan a ruai ve tan a; nau neih chawlh hun rei tak a lak hnua a chimchin ngai luah leh tuma a beih chhohna kawngah puitu tangkai ber tura ngaiin an thawkdun ta a ni.
Mouratoglou hnuaiah kum 27-a upa Osaka hian kumin May thla khan WTA 125 tournament L’Open 35 de Saint-Malo an tihah kum 2021 hnu lama a WTA title hmasaber a hlawhchhuak.
Kumin January thla khan Auckland Classic final thleng lehin, title match-ah hian hliamin a tibuai ta tlat a, a inhnuhdawh a ngai zui ta a ni.
Kumin French Open-ah khan first round-ah Paula Badosa ngam loin a tlawm leh a; tarlan tak angin, US Open inbuatsaihna pakhat Washington Open-a Briton a hneh loh leh hnuah a French coach chhawr nen an inthen ve ta nge nge a ni.
Coach a ban thu hi Instagram-ah Japanese chuan ziakin, Patrick hnen atanga thil tam tak a zirchhuah thu leh a kal zelna turah a tha ber tawngbaw zel turin a duhsak tih a sawi a, a mihring tawn tawh zinga cool ber tiin a ziak tel bawk.
Osaka chuan, “Engmah hi kumhlun tak tak a awm lo. Thla 10 kan thawhdun hnuah professional taka inthen zai kan rel a, kan inrintawnna, kan zin dun hun chhung leh kawng kan sial dunnaah khan ka lawm a, a tha ber dawng zel turin ka duhsak che a ni,” tiin thlahna a ziak.
Osaka is next in action at the Canadian Open in Toronto, where she takes on Ariana Arseneault later on Monday.