Oval Office-ah Trump-a kah lai lim dah thar

Oval Office-ah Trump-a kah lai lim dah thar
US President Donald Trump-a chuan a Oval Office-ah July, 2024-a Butler, Pennsylvania-a thah tuma an kah tuma a awm dan ang lim a dah thar.
Lim lian lem lo tak hi Trump-a hian Zirtawpni khan chanchinbumite hmaa a Resolute Desk-a thutlukna pawimawh tak tak a ziah hnan tumin a bul chiah dawhkanah a dah a ni.
White House pawhin X-ah, “FIGHT! FIGHT! FIGHT! Spotted in the Oval Office,” tih an tar lang.
Milim hi July 13-a Thomas Matthew Crooks-a’n Trump-a thah tum ni ngeia hriata a beng ding lama a kah hliam hnua a kut ding lam a phar chhuak lai tak kha a ni.
Butler Farm Show Grounds-a hun a hmannaa kah a nih hnuah hian Trump-a hian birukna zawng mai lovin ‘Fight! Fight! Fight!’ tiin a au chhuak zui a, helai tak hi a limah pawh hian siam a ni ta a ni.
Milimah hian Secret Service agent pathum, tuna director ni ta mek, Sean Curran-a telin, an lang a, anni hi kah a nih hnua dawhsan hnung lama him theih nana hruaitute kha an ni.
Oval Office-a milim dah thar hi White House-a Butler-a Trump-a thah tumna kaihhnawih awmchhun a ni lo va. Lemziak pawh dah a lo ni tawh a, hetah pawh hian tuna milima mi ang deuh tho hian ziah a ni a, a ban phar bakah a bianga thisen luang langin a hnung lamah American flag a lang bawk.
Special Assistant to the President leh White House Principal Deputy Press Secretary Harrison Fields chuan milim leh lemziah dah chungchang hi X-ah sawi fiahin, “Obama pawh White House State Floor Entrance Hall-ah a la awm reng a ni,” a ti.
Obama lem hi East Wing-a Grand Foyer-ah a awm thin a, president hlui lem hi tunah chuan White House State Floor Entrance Hall-ah dah sawn a ni tawh a ni.
Fields-a hian X-ah hian Obama lemziah pawh a dah lang a, president hlui tho, Franklin D Roosevelt-a Steinway grand piano chungah tar niin New York Post chuan a tar lang.