Oxford word of the year-ah ‘Rizz’

Ngaihzawng tur te emaw duh deuh i neih han biak vel i thiam riau em? Chutiang a nih chuan hre miah lo mahla ‘rizz’ i nei tihna a ni.
Romantic appeal emaw charm internet slang thalai naupang zawk tena an hman uar tak ‘rizz’ chu Oxford word of the year a thlan a ni a.
Word of the year tur hian thumal pariat thlanchhuah a ni a, chu ta tang chuan rizz chu a chungnung ta ber a ni.
Mipuite hnenah vote lak phawt a ni a, chumi hnuah Oxford lexicographers te chuan thutlukna an siam leh zui a. Word of the year atana chhawpchhuah dang te chu Swiftie tih te beige flag, situatioship tih te pawh a tel.

Eng nge rizz, i nei em?
Generation Z i nih loh chuan he thumal hian i tan awmzia a nei lo mai thei thung a.
Online a hman nasat niin TikTok ah phei chuan hashtag ‘rizz’ chu a lar ngang mai.
Oxford University press, Oxford English Dictionary tichhuak tute chuan romantic lam ngaih-zawng neih theih riauna style, charm nei sawina tiin a sawifiah a. ‘Charisma’ tih lak tawi tia sawi a ni a.
Verb ang pawha hman theih niin ‘to rizz up’ tih chu hip, be lum lam thiam tih nana hman theih a ni bawk. Mi hip theihna riau neiha chu mi hmanga duh zawng te nei deuh chat chat thei sawina a ni.
Youtuber leh Twich streamere Kai Cenat chu rizz ti lar tu a ngaiha ni a, a thian te nen a tihlarna lamah a sulsutu an ni tih a ni.
Kuminah he thumal hman hi an uar zual a, June thla khan actor Tom Holland chu Buzzfeed ten eng nge a rizz thuruk tiin zawhna an zawt a.
Holland chuan, “Rizz neih ka nei ve lo. Ka rizz neih a beitham” tia sawiin a hnuah a bialnu Zendaya a neih theih nan ‘hun rei tak’ a hman thu a sawi a ni.
Nikum khan Oxford te chuan word of the year ah thatchhiat leh inthlahdah sawina ‘goblin mode’ chu an lo thlang tawh thung a ni.