Ozzy Osbourne a awngrawp ve ta

Ozzy Osbourne a awngrawp ve ta
Prince of Darkness an tih thin kha a ni a, July thla hian a live show hnuhnung ber nei turin a inpuahchah mek a Black Sabbath, Metallica, Slayer, Anthrax leh rimawi khawvela musician hrawl tak tak te nen an cheho dawn. Mahse, amah, Ozzy Osbourne ber hi stage-a han chevel viau thei a ni tawh dawn lo. Mahni tawka kal thei a ni tawh tlat lo!
Tunah chuan kum 76 mi a lo ni ve tawh a, SiriusXM program Ozzy’s Boneyard-ah inlanin, “2025 hi ka chuangkai ve taknain, ka kal thei taw lo, mahse, masi chawlh lai vela ka ngaihtuahna vak vel inhre duh em? Ka han phun nawi viau dawn nain, ka la dam tlat a ni. Ka kal thei lo hi ka phunsawp viauna a, ka han thlir kual vel a, ka thil tih ang chanve pawh ti ve lo mual liam ta an tam si zia hi,” a ti.
Ozzy Osbourne hian a live performance hnuhnung ber chu a rawn chawr chhuahna khua, Birmingham, England-ah July ni 5 a neih an tum thu a puang a, Black Sabbath reunion kan hmu dawn a, 2017 hnua show an neih leh hmasak ber a ni dawn a, 2005 hnu a an band original lineup anga an chet chhuah leh vawi khatna tur a ni bawk.
Ozzy final live show tur hi issue hmasa lama tarlan tawh angin ‘Back to the Beginning’ tih a ni a, Metallica, Slayer, Antrax, Pantera, Lamb Of God, Mastodon, Alice In Chains, Halestorm leh nimin lawka Grammy dawng Gojira te pawh an che dawn a ni.
He event hi charity atan an hmang nghal dawn a, Osbourne hi 2019 atang khan Parkinson’s natna a nei tih hriatchhuah a ni a, tuna a final live show pawh hi UK charity Cure Parkinson’s tana sumtuaknan an hmang nghal dawn a ni.
Ozzy nupui, a manager ni bawk Sharon chuan Ozzy-a’n a rimawi career kharna show a nih tur thu sawiin, tunhnaiah a hriselna leh thildang avangin a show neih an thulh nasa hle niin a sawi a, “Tunah chuan a ziaawm viau e. He event atan hian a phur khawp mai a, a thian hluite nena an han tiho leh thei tur hi a phur tak zet a, midang tan pawh a phurawm hle a ni. Ozzy hian a thiante leh fan-te han mangthana remchang a nei lo a, tawpsan tumna a la neih ngai loh vang a ni pakhat a. Mahse, tunah chuan a tawpna tur a ni dawn ta,” a ti.