Pahalgam-a khualzin hip nan CM-in thirsakawrin khawlai leng
Pahalgam-a khualzin hip nan CM-in thirsakawrin khawlai leng
Khualzinte tlawh nasat, Pahalgam-a mi firfiakte an chet hnuah a him leh tawh tih lantir nan leh mi hip leh theih nan Jammu & Kashmir Chief Minister Omar Abdullah chu Thawhlehni khan a fapate pahnih, Zamir leh Zahir te nen khawlaiah thirsakawrin an inkhalh kual a, mite biain mi hipna turin hma an la.
Thla khat awrh liam taah khan tlangram khaw lar takah hian mi firfiakten mi 26 an that a, a tam zawk hi khualzin an ni.
An chhungkua hian km 2.5-a thui, khualbuk atanga kum tin neih thin Amarnath Yatra tanna tur hmun thleng an inkhalh a, chief minister hian an tawpnaah hian cabinet meeting a ho nghal bawk.
Hetianga chief minister pafa thumin khawlai an leng hi sorkar chu firfiaka chetna lakah an tlawm mai dawn lo tih an lantirna a ni bawk.
Ni 38 awh tur Amarnath Yatra hi July 3-ah tan a ni dawn a, metre 3,880-a sang hmuna vurin a bawm Hindu sakhaw hmun thianghlim tlawhnba a ni a. Biakzinte chuan hman lai atanga hman tawh, km 48-a thui, Pahalgam, Anantnag district atanga kal emaw, a tawi zawk leh kawng chhuk chho zawk, km 14-a thui, Baltal route, Ganderbal district emaw an zawh thin.
April 22-a mi firfiakte an chet hnuah Kashmir hian khualzin thilah chona lian tak an hmachhawn a, Pahalgam tlawhtu pawh an tlahniam nasa hman hle a ni.
Chief Minister Abdullah-a’n zalen taka thirsakawra khawlai a leng hi tual chhunga khualzinte buaipuitue chuan lawmawm an ti a, khualzin hipna kawngah rah tha a chhuah ngei an beisei hle.
“Chief Minister Abdullah chhungkaw chet lak dan hi a thain a fakawm hle a, an tih dan hian he phaikuam tlawhtu tur mi pawh a hipa kan dinhmun a kan leh ngei kan beisei hle a ni,” tiin khualbuk neitu, Amir-a chuan a sawi.
Tun hnaia mi firfiakte chetna chuan an ram chu a tilang mawi lo hle tih pawh a sawi a, tlawh tura inruahman tawh tam takin an thulh leh phah niin a sawi.
“Harsatna tawk mah ila Pahalgam hian tlawhtu a neih thar leh kan beisei a, thla a lo kal ang a, ngai kan awh leh theih ngei kan inring a ni,” a ti.
Thirsakawra a inkhalh chhung hian chief minister hi hmun eng emaw zatah dingin tual chhung mi leh khualzinte a bia a, thlate pawh an la ho bawk.