Painting inelna buatsaih

Painting inelna buatsaih
Kumtina a tih thin angina Mizoram State Council for Child Welfare chuan Thawhlehni khan National Painting Competition 2025 (State Level) a buatsaih.
He intihsiakah hian naupang 147 an tel a. PC Girls headmistress Lallianpuii chuan inelnaa lawmman dawngte hnenah lawmman semin naupangte tana tangkai tur fuihna thu a sawi a ni.
Lemziak/ cheimawi inelna hi group li-ah then a ni a. Green Group kum 5-9 inkar, White Group kum 10-16 inkar, Vohbik naupang tan Yellow Group kum 5-10 inkar leh Red Group kum 11-18 inkar tan siam a ni.
Group tinah naupang 5 zelin lawmman sumfai leh certificate an dawng a. Inelnaa telte hi lemziakna hmanrua, chhuna an ei leh in, participation certificate leh DA pek vek an ni.
Pakhatna atanga pathumna inkar hi Indian Council for Child Welfare New Delhi-ah state danga lemziak ho nen thawnkhawm a ni anga, chuta lawmman dawng pha chu New Delhi-a an kal leh hawna, ei leh in tumsakin lawmman dawng turin an kal anga, kum 18 an tlin thleng scholarship pek an ni ang.