Pak-a beihpui thlaknaah civil mi pakua leh firfiak 12 thi
Pakistan-a venhim hna thawktuten drone hmanga Khyber Pakhtunkhwa province-a mi firfiakte tawmna an beihnaah firfiak 12 an that a, civil mi pakua an thi bawk.
Inrinni tuka ‘firfiak laka beihpui thlak’ hian Mardan district-a Katlang-a tlang chhima mi firfiakte awmna hmun an bituk tih province sorkar chuan a puang.
Rescue 1122 thupuangtu, Muhammad Abbas chuan PTI chuan civil mi thite hi mipa pasarih leh hmeichhia niin Mardan Medical Complex-ah district deputy commissioner thua lak an nih thu a sawi a. An taksa a chhiat nasat avangin tute nge an nih an hre thei lo.
Tual chhung mite chuan Swat district-a berang vengtute nia an hriat thu an sawi.
Civil mite ruang hi kawngpuiah a let rum a, hemi duh lo hian a bul hnaia mite an pungkhawm a, darkar rei vak lo khar a ngai a.
Mi firfiak 12 thah zinga hian Mohsin Baqir-a pawh telin ani hi luman Pakistani Rs maktaduai sarih nei lai a ni a. A second-in-command Abbas pawh thiin ani pawh hi Rs. maktaduai nga luman nei a ni.
Sorkarin thuchhuah a siamah thu rinawm tak an dawn bawkzuiiin venhim hna thawktute hi an che tih tar lan a ni a. “Vanduaithlak takin beihna lai hmuna lo awm civil mi, hmeichhia leh naupang telin, an thi a, a pawi tak zet a ni,” an ti.
Khyber Pakhtunkhwa Chief Minister Ali Amin Gandapur chuan beihpui thlaknaa civil mi thi tel chu a demin a lungchhiatthlak a tih thu a sawi bawk.
Sorkar chuan hliam tuarte chu an inenkawlna a tumsak tur thu leh thi chhungte chu chhawmdawlna leh zangnadawmna an pek tur thu a puang.
Pak-a beihpui thlaknaah civil mi pakua leh firfiak 12 thi
Get real time updates directly on you device, subscribe now.