Pakistan police officer pangain hliam tuar
Pakistan in SCO inhmuhkhawm a thlen avanga venhimna khauh tak a kalpui laiin, hel pawl lam pawhin tihbuai tumin hna an lo thawk ve reng tho a, police officer pangain hliam an tuar phah.
Hel pawlte hian remote control hmangin lirthei hnaih tak takah enthlak hna an thawk a, hemi tihtawp tum hian sipaite chuan venhimna khauh leh zual an thawk a, he thil thlenna hmun hi Khyber Pakhtunkhwa province nia sawi a ni.
Pakistan hian tum dang zawng aiin venhimna hi a lekkawh khauh lehzuala sawi a ni a, tun tum SCO inhmuhkhawmah hian India foreign minister S. Jaishankar leh China foreign minister Li Qiang te an tel vang a nih thu media thenkhat chuan an sawi. Anni ram hnihte hi ramri leh hel pawl chungchanga Pakistan in buaina a neihpui rengte an ni.
Tibuaitute hian engnge tih an tum chiah hriat ni lo mahse, an khawl changkang neih ang ang hmang hian sipaite motor an chhaih nasa hle niin sawi a ni a, ramri hnaih khuaahte phei chuan an duty khauh hle nia sawi a ni bawk.
Sipaite nena an buai dan leh officer pangain hliam an tawrh phah dan tak hi la tarlan a ni chiah a, eng hel pawl mahin an tih a nih thu an la sawi lo bawk a ni.
Pakistan police officer pangain hliam tuar
Get real time updates directly on you device, subscribe now.