PAN leh Aadhar thlunzawm loh sum chawi tam

Sorkar laipui chuan PAN leh Aadhaar thlunzawm loh avanga hremna pawisa a chawitir atangin Rs 600 crore a la lut tawh a, 11.49 crore Permanent Account Number te chu biometric identity nena la inthlunzawm lo an la ni bawk tiin February 5 khan sorkar chuan Parliament a hriattir.
“PAN te Aadhaar nena la inthlunzawm lo exempted category te nen vek 11.48 crore January 29, 2024 thleng khan a la awm” tiin Minister of State for FInance Pankaj Chaudhary chuan Lok Sabha zawhna ziakin a chhang a ni.
Sorkar laipui chuan PAN leh Aadhaar te hun tiam a siam June 30, 2023 thlenga thlunzawm lote chu late penalty Rs 1,000 a chawitir zel a.
“PAN leh Aadhaar thlunzawm hun tiam siama thlunzawm lote atanga July 1, 2023 atang January 31, 2024 thlenga pawisa chawi tlingkhawm chu Rs 601.07 crore a ni,” tiin Chaudhary chuan a sawi bawk.
Income Tax department chuan taxpayer te PAN leh an Aadhaar te nena thlunzawm lote chu July 1, 2023 atangin hman theih lohin a awm ang, a lo ti tawh a. Chu mai bakah TDS leh TCS te rate sang zawka chawitir an ni ang, a ti bawk a. PAN te nung leh tur chuan late fee Rs 1,000 pek zel a ngai a ni.