Panchayat system hman a tul tawh
– LAD minister
Mizoramin Panchayati Raj system chu a pumhluma a hman ve a tul tawh a, chumi tur chuan dan thar siam a hun tawh hle tih Local Administration Department minister K Lalrinliana chuan a sawi.
Ministry of Panchayati Raj-in India rama rural local body – Panchayat/VC tha, tehfung pakua hmanga a thlannaa local body 250000 chuangah Ngopa Village Council-in pakhatna lawmman a dawn chu Thawhlehni khan buatsaih a ni a. LAD minister chuan VC dan thar siam a, Panchayat system anga kal chu sawrkarin a rawt thin a, an la hlawhtling hleithei lo tih a sawi. Engemaw chen chu hetiang system hi hman ni ve tawh mah se, a la tluangtlin loa, department lam chuan Panchayat system-a kal hi a tha zawk hle in an hria tih a sawi.
Ministry of Panchayati Raj-in a buatsaih inelna then hrang hrangah Mizorama VC zingah – Maubuang, Mualthuam North, Kolasib North, Sawleng, Leng leh Thingsul Tlangnuam ten lo dawng tawhin sumfai lawmman nuai 5, 10 te an lo dawng tawh thin a, tuna Ngopa dawn ang, ram puma inelna hrang hrang suihkhawma a titha ber hi chu an vawikhat dawnna niin, sumfai dawn pawh cheng vaiblechhe 1.50 a ni tih a sawi.
LAD director Rita Lalnunmawii Pachuau chuan Panchayat system nghet leh fel taka lo kalpui reng tawhte aia an titha chu lawmawm a tih thu sawiin, he system hi kalpui ngat se chuan tun aiin an chet that lehzual a ring tih a sawi a. Traditional local body ang hi chuan hma lak theih danah tawp chin a awm tih a sawi. VC ten lawmman an lak chu an lawmman lakna ah vekah hma sawn zelna atan sumfai dawn hi hman thin a ni tih a sawi bawk.
Panchayat system hman a tul tawh – LAD minister
Get real time updates directly on you device, subscribe now.
Prev Post