Parliament rorel mumal thei lovin awm zui zel

Nimin khan Parliament House pahnih chu tan a nih veleh buaina in a zui nghal a, Opposition te chuan Manipur a tharumthawhna an la au pui zui zel a ni.
Chutih laiin Rajya Sabha-ah rule 176 hnuaiah Rajasthan-a hleilenna sawihona ngiat a ni bawk a, hei hi Rajasthana kum 14 mi gangrape a nih vang a ni.
Treasury bench te chuan he thil hi sawihona neih tur a ni an tih laiin Leader of Oppoisition Mallikarjun Kharge chuan he issue hi Rajasthan Assembly a sawiho tur a ti ve thung a. Buai nuai nuai avangin House pahnih chu rorel hlei thei lova siam a ni zui zel a ni.
Chhuna Lok Sabha tan a nih leh hnuah rang takin Opposition te au nasat chungin Indian Institutes of Management (Amendment) Bill, 2023 and Inter-Services Organisations (Command, Control and Discipline) Bill, 2023 chu passed luih a ni a. National Research Foundation Bill and Private Members’ Bill pawh House-ah pharhin a awm zui bawk.
Monsoon Session neih mekah thutho tum ruk chauh a awm tawh a, chutih laiin sorkar leh Opposition te chuan Manipur buaina avanga Rajya Sabha a rorelna kalpui hleih theih loh chu chinfel dan an zawng mek thung bawk.
Rajya Sabha-ah hian Rule 176 hnuaiah deabte neih an remti a. Mahse, opposition te chuan House ah Prime Minister chu tel ve ngei se tih an phut thung a, tunah erawh chinfel tur an la neih chu resolution wording siam dan tur chung changah a ni thung.