Pasal then te sam a tla duh bik

Case Western Reserve School of Medicine-a mithiam ten zirchianna an neihah hmeichhia, thihna vang emaw thildang vang emaw a pasal then te chu pasal then ve lo emaw, pasal nei lo emaw te aiin an sam a tla nasa bik niin an sawi.
Case Western Reserve School of Medicine-a department of plastic surgery-a chairman Dr Bahman Guyuron chuan hetianga pasal then te sam a tlak duh lehzualna chhan hi chu stress level san vang ni a an ngaih thu a sawi.
Guyuron chuan pasal then mai bakah nupa hlim loah pawh sam a tla duh niin a sawi a, fa neih vang pawhin hmeichhe sam a tla nasa thei a ti a, zu in nasat leh meizial zuk nasat vangin hmeichhe sam a tla nasa duh niin a sawi bawk.
He zirchianna hi hmeichhe phir 84-ah neih a ni a, lifestyle questionaire an chhan tir bakah an hormone blood level bakah an sam to dan te thlengin an zirchiang a ni.
Zirchianna neitu te chuan hmeichhia coffee in thin, sun screen tha taka hmang leh hlim taka pasal nei te chu an sam a tla nasa lo bik niin an sawi lehzel.