A fanu kum a tlin hma atanga vawi tam pawngsualtu kum 46 mi pa pakhat chu Special Judge (POCSO Act) Aizawl District Court Vanlalenmawia chuan hrehawm taka kum 12 lung in tang tur leh Rs. 5000 chawi turin a hrem.
Special judge hian pawngsualtu hi thiam loh a lo chantir tawh a, Nilaini khan hremna tur hi a tichhuak a ni. Sumfai a chawi tur hi a pe thei lo a nih chuan ni 25 chhung lung in tan belh turin a ti a ni.
Tarlan tawh angin, he mi hian a fanu hi kum 2013 khan, kum 14 mi a nih laiin a pawngsual tan a, kum 2015 khan a fa a hring nghe nghe. Kum 2018 August kha a pawngsual hnuhnun ber a ni a, hemi kum November ah hriatchhuah niin, vanduaina tawk hmeichhe nu hian police-ah a report a, police-te hian chhuizuiin court hmaah an thlen a, court hian a chungthu ngaihtuahin thiam loh a chantir ta a ni.
Pawngsualtu kum 12 tang dawn
Get real time updates directly on you device, subscribe now.