December 14, Inrin ni tlai khan Mizoram State 10 Ball Pool Championship 2024 – 2025 final khelh a ni a, final hmuhnawm takah chu vawiin tlai khan zawh fel a ni a, PB Liansangzuala, Dawrpui veng chuan an khingpui Zonuntluanga, Electric Veng hnehnin a champion.
Final hi Race to 8 (frame 8 la hmasa sa chak) a khelh a ni a. Frame hmasa ber Tekawka’n a la a, a dawtah Pba’n a la ve a, frame thumna Tekawka’n a la leh a, Frame lina atangin Pba’n frame 8na thleng, grame nga a la zawn a. Frame dinhmun 6 – 2 a ni a, Tekawka’n frame 9na leh 10na a zawnin a la leh a, 6 -4 a ni chiah a, chumi hnuah, Pba lo tho chhuakin, frame 10 leh 11na a zawnin a rawn la a, frame dinhmun 8 – 4 a ni ta a ni.
Mizoram State 10 Ball Pool Championship 2024 – 2025 Final-ah hian Mizoram State Sports Council (MSSC) Sports Promotion Officer H Laldinsanga chu khuallian a ni.
Mizoram Snooker and Billiards Association (MSBA) buatsaih Mizoram State 10 Ball Pool Championship 2024 – 2025 hi December 9 atang khan khelh tan a ni a, Inrinni tlai khan a hmawr bawk a ni ta a ni. Mizoram State 10 Ball Pool Championship 2024 – 2025 -ah hian player 40 chuang an tel a, MSBA Hall, Hawla Indoor Stadium, Pitarte Tlang, Republic Vengthlang-ah khelh thin a ni.
PB Liansangzuala a thiam ber
Get real time updates directly on you device, subscribe now.
Prev Post
Next Post