Pension rawih nawn chungchang ngaihtuah dawn

Mizoram sorkar aTanga tun hnaia pension-a chhuak pakhat chu rawih nawn a ni dawn a, rawih nawnna tur hi tihfel a ni tawh. Hei hi MZP lamin an ngaihtuah dawn tih thu dawn a ni.
R Lalrodingi, commerce, industries, geology & mining department additional director chu April ni 30 khan a pension a, a rawih nawnna tur notification hi April ni 24 khan DP&AR-in an chhuah.
MZP lamin hemi chungchang hi a rang lama ngaihtuah an tum a, dodal an tum nge tih lam erawh hriat a ni lo.
Thu dawn danin, MZP hian tun hma aTangin pension tawh rawih nawn an duh lo a, hemi an duh loh sa avangin, tun hnaiah rawih nawn an awm chungchang hi an ngaihtuah dawn a ni.
R Lalrodingi hi tourism department-ah director (additional charge) a ni ang a, officer on special duty (OSD) to the chief minister nihna a chelh zui bawk ang.
Notification-a a lan dan chuan, secretary tlukpuiin a Thu ang a, tourism department director a nihna hi joint director ni mek director-a a kaisan theih hma chu a chelh ang. OSD a nihna chu sorkar ding lai hun (term) chhung atan a ni ang.
Tourism director a nihnaah hian sum leh pai (financial) leh inrelbawlna (administration) lamah thuneihna tawp pek a ni.
Rawih nawn a nih hian thla khatah Rs 35,000 a hlawh ang a, chawlhtir a nih dawn chuan a hma ni 15-ah hriattir lawk tur a ni.