Pension tawh chuan thalai tan kian turin MZP-in ngen

Pension tawh rawih nawnte chuan thalai tan hmun kian turin an ngen tih Mizo Zirlai Pawl chuan an sawi.
MZP Gen. Hqrs. thuchhuak chuan, tunhnaiah officer pension tawh rawih nawn leh pension tawh mai tur ruai nawn tura file kal lai a awm nia an hriat thu a sawi a. Hei hi chhuichian niin, pension tawh rawih nawn a nih loh nan chak taka hma lak a tum tih a sawi.
Mizoram sawrkar hnuaia hnathawk zingah pension tawh rawih nawn an awm fo thin chu tunhma atangin MZP chuan tha a tih loh thu a sawi fo thin tih sawiin, pension tawh rawih nawn a nih avanga bang tura nawr pawh an lo nei zauh zauh tawh tih a sawi.
Sawrkar hnathawkte chu an hnathawh hun chhunga thahnemngai taka thawk tura ngenin, an pension hnuah erawh thalai hna zawng mekte kian turin MZP chuan a suh tih a sawi a. ‘Officer pension tawh, thil tih theih fal bik avanga inrawihnawn ang chi a awm loh nan theihtawp chhuahin hma kan la dawn,’ a ti.