Peru president hlui Fujimori thi

Peru president hlui Alberto Fujimori, human rights abuse leh corruption thila thiamloh chantira hrem tawk tawh chu kum 86 mi niin a thi.
Fujimori khan kum 1990 aanga 2000 inkar chhungin Peru ah rorelna lekkawhin mahse eirukna kaihhnawih avanign a office luah aanga paihthlakin a awm a ni.
Left-wing guerrilla insurgency laka na taka chetlakna a neih avangin human rights nasa taka bawhchhia puh a ni a.
Mahse amah thlawptute thung chuan thuneihna chang thei dinhmuna ding khawpa an chak laiin rebel te chu a nuaichimit zawk tiin an fak ve thung.
Peru ram tlanchhiatsan hialin mahse man zuia Peru a thawnlet leh a ni a, thiamlohchantir zui niin lung ina khung a ni ta a ni.
A fanu Keijo Fujimori chuan president hlui leh a pa ni bawk chu cancer natna hun rei tak a tawrh hnuah a kalta tiin a sawi a. Fujimori doctor chuan lei cancer avanga thi tiin a sawi.
Fujimori kha kum 1990 tir chhova eirukna nasa tak, thuneihna hmang sual leh massacre liantham tak pahnih thlenga inhnamhnawih leh mawhphurtu anga puh a ni a.
Nikum December thla khan Lima a Barbadillo prison aangin kum 25 lung in tang tura tih a nih aanga kum 15 a tan tawh hnuah chhuah zalenin a awm a ni.
“Hun rei tak cancer a vei hnuah kan pa, Alberto Fujimori chuan Pathian tawk turin min kalsan ta” tiin a fate Keiko, Hiro, Sachie leh Kenji te chuan thuchhuah inawm an siamah an sawi a.
Fujimori doctor Jose Carlos Gutierrez chuan president hlui chu kumin kumtir lam khan lei cancer a vei tih hriatchhuah a nih thu leh natna hrang hrangin a tlakbuak bawk tiin a sawi bawk a. “Immunological treatment a ha hle a, mahse side effect a lo nei a” tiin a sawi bawk a.
“Chung side effect te avang chuan ni hnih kalta khan Fujimori chuan thawk lamah harsatna a nei a. Oxygen kan pe chungin zual lam a pan ta zel zawk a ni” tiin Dr Gutierrez chuan a sawi bawk.
Fujimorui thlawptute chuan Maoist rebel group Sendero Luminoso (Shining path) te laka Peru chhanhimtu, economy siamhatu tiin an fak hle thung a. Chutihrual chuan mi tam tak tan chuan Fujimoti kha authoritarian figure leh hruaitu nunrawng a ni ve thung.
Japanese immigrants fapa niin kum 1990 khan president atan Peru a rebel insurgency vanglaia thlantlin a ni a. A sorkar chuan rebel group te chu nuaichimitin, mahse a man a to hle thung a. Rebel group te nuaichimihna lamah nunna chan mi 69,000 vel lai an awma ngaih a ni. A fanu Keiko chu Peru a political party lian ber leader ni mek a ni