Phaitual badminton
inelnaah Mizo naupangte an chetha
December ni 7 atanga ni 10, 2024 inkar khan The Gaudium School (Kollur)-ah Sub-Junior Badminton Open Championship 2024 khelh zawh niin, Regional Competitive Training Center (RCTC), Aizawla inzir mek leh Pullela Gopichand Intensive Training Centre (PGITC)-a training zawma chhuak rih Mizo naupangte’n silver medal leh bronze medal an vawchhuak.
K. Liansangzela (Ramhlun North) leh Dennis Romawia Rivung (Kanan Veng) tangdun chuan Under -13 Boy’s doubles huangah silver medal an dawng a; HT Rohminghlua (Dinthar) leh Lalruattluanga Tlau (Republic Vengthlang) thawkdunin Under – 15 Boy’s Doubles category-ahbronze medal an hlapchhuak ve bawk.
Tunah hian RCTC, Aizawl leh Kolasib Elite naupangte chu PGITC lamah training zawmin an chhuak mek a, India badminton legend Gopichand-a thurawn angin PGBA-a Mizo naupang awmsate leh PGITC-a training zuk nei mekte hi he tournament-ah hian an inlan a ni.
RCTC leh PGITC-te hi kan lo sawi fo tawh angin, TATA Trusts (NEIDA) leh Mizoram Badminton Association-te Strengthening Badminton Ecosystem in Mizoram hnuaia an thawhhona vanga din a ni.
Phaitual badminton inelnaah Mizo naupangte an chetha
Get real time updates directly on you device, subscribe now.
Next Post