Phaituala medal 3 hlawhchhuak taekwondo team

July 7-9, 2023 chhung khan Shivammoga, Karna-taka-a khelh zawh tak 40th National Junior Kyorugi Taekwondo Champion-ships-a teal Mizo Taek-wondoist-te’n silver medal pakhat leh bronze medal pahnih an sualchhuak.
Medal latute hi Chal-tlang Dingdi veng tleirawl, Taekwondo Academy of Best Friend zirlai R. Lalbiaknuami niin Silver medal a la a; Banglore NCOE-a zir mek Ram-dingliani, Chanmari West leh Aizawl Taekwondo Aca-demy zirlai Lalhming-sanga, Ramthar North-ten bronze medal ve ve an awrh ve bawk.
Silver medal latu Biaknuami hian a match hmasa pathum chu straight set vekin a la a; 8-0, 5-3-a Chandigarh player a hneh hnuah 6-0, 4-0-in West Bengal aiawhtu a hneh leh a; quarter-final lamah a thlengtu Karnataka player chu 6-0, 6-3-in a hneh zui leh a; semi-final-ah hian Uttarakhand player nen in tumin round hmasaah 9-12-a a tlawm zawk hnuah 8-7-in Biaknuamin la ve thung a, deciding round-ah India player tha Uttarakhand chu dangchatin 4-0-in hneh ta ni.
Final-ah Gujarat player nen intumin 1-11-in Biaknuami round a hlohin, inhnehtawktak 10-12-in Gujarat mi a chak tlang a, Chaltlang Dingdi veng nula hian silver medal a lungawipui mai a ngai ta ni.
Mizoram tana bronze medal latu Ram-dingliani, Chanmari West tleirawl chuan under 52 kg-ah khelin, a match hmasa berah thenawm Manipur Meitei player chu 13-1, 12-2-in a sawp phawt a; round of 16-a a tumpui Uttar Pradesh mi chuan 7-6-in round an la zet a, Mizo tleirawl hian 4-3-a lehthalin, deciding round-ah 8-1-in chak zui ta a; quarter final match-ah Goa mi a hmachhawn a, 1st round-ah 2-7-in tlawm mah se leh Rami insiamthain 2nd round leh deciding round-ah 9-7, 6-7 hnehna a chang thei a; semi-final match-ah a thlengtu Karnataka player nen intumin, 2-7-in Karnataka miin a lak hnuin Rami’n 9-7-in round a la ve leh a; deciding-ah 6-7-in Karna-taka player chu vannei zawkah a tang ta a ni.
Lalhmingsanga, Ramthar North rawlthar chuan under 59 kg huang-ah khelin, a match hmasa ber atan Uttarakhand player chu 5-5, 3-7, 4-0-a hnehin round of 16 inpet-tling a; R16 match-ah hian mawi taka lehthalin J&K aiawhtu chu 3-5, 5-1,10-5-in a hneh zui a; quarter-final lamah Kerela mi tum lehin, Hmingsanga hian kut inhliam chungin 4-5, 8-6,9-8 hnenna a sualchhuak zet a, kut na chunga khel a nih avangin Punjabi pa lakah 5-3, 3-0-in a vanduai zui ta a, bronze medal a awrh.
Mizoram team hi hmeichia pali mipa paruk niin, coach Lalinpuia, Armed Veng South (TABF) leh manager Lalsangzuali, Tuikualte’n an hruai a; C. Lalzuitlunga, Mission Vengthlang chu technical official-in a kal ve bawk.
Sawmna an dawn angin bronze medal latu Lalhmingsanga leh khel tha ve tak Robert Muanthansangate chuan Delhi khuaa India academy tha, Peace Academy an zawm nghal dawn a; silver medal latu R. Lalbiaknuami chuan champion of champions match khel turin Hyderabad a pan zui nghal ang a; bronze medalist Ramdingliani chuan Bangalore SAI a pan bawk ang. He’ng player-te hi MATA Vision player-te an ni.