Prof. JV. Hluna
-- Advertisement --
Tun hnaiah Pu Lalhluna khan ‘engtin nge Zofate kan pian pun theih ang’ tih a rawn ziak a, a lawmawm khawp mai. Hei hi Biak ina inzirtir a tawk lo. Doctor-ten an vei a ngai. Fa nei tam tur chuan pasal neih hma a ngai a. Kum 18 an nihin hmeichhiain dan angin pasal an nei thei a, mipa erawh chu kum 21-ah dan angin nupui an nei thei. Fa hmasa ber neih aanga Doctor-ten ceasarian an lo kawhhmuh mai chuan an awih hle a ni. Doctor-te tan a awlsam a, nu hahdamna a ni bawk a, amaherawhchu pian tlemna chhan ber hi niin a lang si a ni. Kohhran hian doctor-te hmin se, zai lova nau nei thei zel nu hrisel an nihzia te, Pathian duhzawng a nihzia leh kan hnam tana pawimawh a nihziate anmahni rawntu hmeichhe naupai apianga an lo campaign chuan kan piang pung ngei ngei ang.
Sertlangpui nu fa 20 hring, TV-a an interview te kha a hlim em em a, a fate an fel em em a, mahni intodelh theiin an awm vek bawk a nih kha. Kohhranin state sorkar hmin sela, fa hring tam pathum chunglam aangin a chawmna pe turin, 4,5,6,7,8,9,10 ang zelin chawmna pung se, engah nge kan pian pun loh tehlul ang.
MHIP an pawimawh, nula pasal neih hun tan ngaihzawng an neih phawt chuan nei turin fuih se. Tlangval pawh ngaihzawng mumal an neih phawt chuan nupuiah nei ngam rawh se. Hmeichhiate hi chawm hlawm tur an ni ringawt bik lova, mipa ai aia rem hria, eizawnna kawng dap thiam an ni duh fo zawk a ni. A tu ve ve tan pawh puitlinna a ni a. Pasal nei chunga lehkha zir zawm, Phd. hial zoa hna ha tak tak thawk an awm nual reng a ni.
Hmeichhe pasal nei lo, kum 40 kai tawh Income nei zawng zawng, Sorkar hnathawk, Company-a thawk, Puanhui, Beautician leh a dangte hian nau hring tamte chawmna/enkawlna tur an income aanga 3% vel heuh an pek theih nan Legislate tura Kohhranin Sorkarah ngen ni se. Chumi hma pawhin Kohhran Hmeichhia-in mahni Kohhran heuh-ah hahnem ngai taka hetiang zawnga anpuina leh fuihna an neih theih nan hma lak ni se.
Nu leh pa pawh an pawimawh, an fate nupui pasal nei duh ngaihsak lova an ngawih reng chuan mahni duh chauh nupui pasal a neih loh avang a nei lo hlen ta mai mai an awm phah fo a ni. Tin, Sorkar pawhin hna an lak dawnin nupui pasal nei tawh tan quota siamsak sela, chu chuan nasa takin nupui pasal neih leh pian punnaah angkaina a nei ngeiin a