Plastic thil chhara kea kalin a tum ram thleng hnai tawh

Lailapur a\anga Siaha district Khaikhy thleng plastic hnawm chharfai paha kea kal tum Vanlallawmzuala, Mission Veng Aizawl chuan a tum ram a thleng hnai tawh a, Siaha a\angin Tuipang a pan mek.
Cleanliness Trekking Expedition ti mek Vanlallawmzuala hi Lalhruaizela, Sairang chuan lirtheiin a zui zel a; kea a kal pah hian kawngsira plastic um leh plastic-a thilsiam dang, miin an paih chu chhar khawm zelin, a \hianpa hian a lirtheiah hian a phurh sak a, dumping ground remchangah an paih \hin. Khawpui lian an thlen hian a kaihhnawih sawrkar thuneitute kutah an hlan \hin bawk.
Siaha-ah pawh Kaochao (Kawlchaw) leh Siaha inkara kawngkama an chhar plastic hnawm hi Mara ADC hnuaia LAD hotute kutah an hlan a. Lailapur a\anga Siaha thleng hian kawngpui dung dumping ground-ah a thil chharkhawm hi \um 13 an paih tawh a. A vaiin plastic um 6000 vel a chhar tling tawh niin an chhut a ni.
Siaha a\ang hian Mizoram tawp, Khaikhy hi Thawh\anni zing khan an pan a. Zero khua a\angin Tipa (Tuipang) lamah an kal a ni.