PM-in an intiamna an vawnhim theih mipuiin an ring tawh lo – Dr L Thangmawia, MLA

g thuthlukna pawh thlak zung zung thin an nih avangin ZPM-in mipuia an intiamna chu an vawnhim rei theih mipuiin an ring tawh lo tih MNF MLA Dr L Thangmawia chuan a sawi.
Thawhtannia MNF office – Mizo Hnam Run inkhawmah MNF Thalai president ni bawk Dr L Thangmawia chuan Lunglei Municipal Council leh VC by election-ah ZPM-ten hnehna an chan hnu ah sawrkar tur thawka thaw in hun rei tak midang tlin lohna lai hnapui bera nei a, an lo auna chu a rah an seng a, an hlim nui ri pawh a reh fel hmain midang aia tha bika an infak mawi chawpna chu anmahni chhungkua ngei atangin an lo nih bik loh zia a takin a lang chho ta mek tih a sawi.
“ZPM kalphung thar zawrh chu an pawl chhung ngeiah innghahna tlak a nih loh zia a lang mek zel a, Zoram tana thawk tur MLA candidate siam pawh inkhualtelem nana hmangin, nimin lawka an tih fel zawh hlim pawh an duh hun hunah an thlak leh mai thei zel a; thla thum em pawh an committee sang thutlukna vawnghim thei lo hian kan ram tana mipui hnena an intiamna hi kum khat chhung an vawnhim theih, mi tamtakin an ring tawh lo,” a ti a. Mizoram political history-ah hetiang em ema party thuneitu sang, PAC member ni pha chin ngat leh hruaitu lawk chinten MLA inthlan kuma an party an bansan tam leh elected OB ngeiten an party show cause notice an pek a la awm ngai lo tih sawiin, “Hei hi kalphung thar a nih chuan MNF chuan kan tlin ve ngai dawn lo a ni,” a ti.
Mizoram state a nih hnua MLA term khat chhunga hun harsa leh khirh tam ber tum kan hmachhawn mek tih Dr L Thangmawia hian sawiin, “Sum leh pai harsatna kan tawh mek laiin insenso belhna tur lam sawrkar leh mipuiin kan neih belh ta zel zawk a. Kan ram leh hnam tana thawh hi hun harsa karah pawh MNF hian kan ning mai tur a ni loa, sawiselna tam tak karah kan theihtawp kan ram leh hnam tan kan chhuah em, tih hi kan inenlet fo na tur a ni zawk ang,” a ti.
Hun harsa tak karah chawl loin hmasawnna hna tam tak an hotuten an thawk a. MNF sawrkarin hun harsa kara a hmalakna chu bu tam taka siam tham an ni tawh tih MNF MLA hian a sawi.
“Tuna kan ram politics dinhmun enin, Congress leh ZPM sawrkarna siam turin an la inpeih loh zia Zoram mipuiin an hmu chho mek a. Pathian leh mipui zarah MNF hian sawrkarna kan siam leh ngei dawn a ni, tih chu a ni telin a langchiang chho zel a ni,” a ti.