PM-in Delhi-Ghaziabad-Meerut RRTS hawng dawn
India rama a hmasa ber ni turin Prime Minister Narendra Modi chuan Regional Rapid Transit System (RRTS) Or RAPIDX chu ni 20.10.2023 (Zirtawpni) hian Duhai Depot leh Sahibabad inkara tlan turin Ghaziabad ah a hawng dawn. RAPIDX hi India rama rail transit system zinga chak ber tur niin 160 kmph a chakin a tlan thei dawna, a tlan chak dan tlangpui chu 100 kmph niin hei hi metro leh Indian Railways’trains te aiin a la chak zawk a ni.
RAPIDX hi a tlanna tur pawimawh dan indawta hawn hmasak a ni dawn a, Km 17-a thui hawn hmasak phawt tur niin heng station panga – Sahibabad, Ghaziabad, Guldhar, Duhai leh Duhai Depot te hi a hmasa tur te an ni.
RAPIDX train hi air-condition vek tur niin coach paruk a awm anga seats 2 x 2 zel niin mihring ding chunga chuang tur nen a vaiin mi 1700 vel leng tura ruahman a ni. Coach paruk zinga panga te chu tunlai leh changkang zawk tura ruahman niin heng panga zinga coach pakhat hi hmeichhiate tana ruahman bik a ni dawn a ni. Coach changkang leh tunlai bik tura siam pangate hian coach pakhat zelah seat 72 zel nei tura ruahman ni bawkin seat tin te hian magazine dahna leh mobile phone charge theihna hmun a nei theuh dawn a ni.
Seat chang lote tan ding chunga vawn tur leh hmunawl zau tha tak a awm bawk ang a, coach tin te hian bungraw dahna te, CCTV Camera te, rikrum thila inkohna tur te, passenger information screen leh Wi-Fi te a awm dawn bawk a ni.
RAPIDX coach pangngai bakah hian coach changkang leh zawk Premium Coach an tih chu a awm leh anga, he coach hi passengers seat 62 len theihna a ni anga, heng seat te hi coach pangai aia nuam zawk leh changtlung zawk an ni dawn a ni.
Premium coach luhna hi a hranga siam niin platform siam bik atang choha luh theih a ni dawn a ni. Seat tin te hian magazine leh bottle dahna te, keh nghahchhan leh thawmhnaw khaina te, mobile leh laptop charge na te a nei dawn a ni. Ni eng lakah emaw harsatna a lo awmin him leh nuam taka awm theih nan a vengtu tur sun shield dah vek bawk tur a ni a, ei leh in lei theihna tur khawl a awm nghal dawn bawk a ni.
Premium coach-ah hian passengers te mamawh lo dawngsawng zung zungtu tur khualchhawn fel taktak te an awm dawn bawk a, anni hian passengers te mamawh an lo ngaihsak zung zung dawn a ni.