PM-in Lamka mipui hip lem lo

Inrinni khan India ram prime minister Narendra Modi-a’n Lamka a tlawh a, khawchhe hnuaia a tlawh hram hram khuaah hian mipui a hip lem lo tih thu dawn a ni.
“PM programme hi a flop a tih theih a, chutih rual chuan \ha taka programme an hman avang hian a flop lo a tih theih ve tho bawk,” Lamka-a chanchinbumi pakhat chuan a ti a, “Mipuiin an ngaihlu lem lo,” a ti bawk.
Modi-a hian Lamka khawpuia Peace Ground-ah thu a sawi a, mipui hi a mawi tawk tak, \hahnem tia sawi tur khawp an kal tih thu dawn a ni. Lamka a\anga thu dawn danin, sorkar hnathawk an kal a, chanvo neite an kal a, pawl \henkhat aiawh an kal bawk a, mi chu an khat ve \hap.
Saikawt-a PHC sak thar a hawng a, hei hi tun \uma Modi-a’n Manipur a zina Churachandpur district chhunga thil lian tham a tih chu a ni ber, an ti.
Modi-a hian Peace Ground-ah thu a sawi a, Zo hnahthlakte leh Meitei inkar a sawi mumal lo a, inrem tura a duh thu bak hemi chungchang hi a sawi lo an ti. Hei hi Lamka mipuiin mak an ti a, raltlan chungchang a sawi lo chu mak an ti bawk.
Lamka-ah hian Manipur buaina vanga raltlan mi engemaw zat an awm a, chung mite chungchang chu Modi-a hian a sawi lo an ti.
Prime minister hian Imphal airport a\angin motor-in Lamka hi a pan a, khua a chhiat avanga helicopter-a kalna chi a nih loh avangin km 60 chuan motor-in a kal a ni. Motor bawkin Lamka a\ang hian Imphal a pan leh.