PM Modi chuan 511 Rural Skill Centres hawng dawn

Prime Minister Office (PMO) chuan thuchhuah siamin Maharashtra state-a thingtlanga cheng thalaite pualin skill development centres 511 a din dawn tih sawiin hei hian district 34 te a huam tur thu a sawi.
He skill centres hian eizawnna kawng hrang hranga thingtlang thalai ten eizawnna hnar remchang an lo hmuh theihna tur niin thiam bik thil nei tura training neih a nih tur thu thuchhuah chuan a sawi bawk. PM Modi-a’n he rural 511 skill development centres a hawn tur hi Maharastra-a BJP Leader ni 3 May, 2006-a kum 56 leka upa boral ta Pramod Mahajan hming a nih tur thu video conferencing hmangin a sawi a ni.
He training centre tur hi ruahman dan chuan training centre tinah hian a tlem berah thiam bikna tur thil training na tur chi hnih a awm zel ang a, thalai 100 bawr vel zel training thei tura ruahman a ni bawk. Tin, training centre te hi National Skill Development Council hnuaia mithiam leh partners, agencies te nen an thawk ho dawn a ni.
He training centre hian a chhehvel a hmasawnna kawng zawh turin kawng remchang a dap nghalin mihring thiamna pawh a hring chhuak nghak turin sawi a ni bawk a ni.