Congress chuan Manipur buaina chhuakah tun thlenga Prime Minister Narendra Modi an ngawih a la chuh reng chu an hriatthiam loh thu sawiin mipui nawlpui te chuan Internet pawh tihtawp zel a nih avangin harsatna nasa tak an tawk tiin a sawi.
Congress communication chief Jairam Ramesh chuan Home Minister Amit Shah leh Cabinet Minister te chuan tharum thawhnain a tihbuai mek northeastern State hi an la tlawh lo tiin a sawi bawk a.
“Manipur buaina chhuak ni 15 a ral hnuah leh Internet pawh khap a nih zui zel hnuah nimin lawkah ni 5 atana internet khap leh a ni a. Banking, e-comerce, payments of e-bils, e-tickets, sumdawnna, in atanga hnathawk te, zirna leh essential services hrang hrang ten harsatna nasa tak an tawk mek a ni. Chutih lai chuan Prime Minister ber pawhin remna a awm theih nan tawngkam khat pawh sawi a la nei lo va. Union Home Minister emaw Cabinet Minister pakhat pawhin Manipur State an la tlawh lo,” tiin Ramesh chuan a sawi bawk.
Nilaini khan Congress President Mallikarjun Kharge chuan team dinin chung mite chu State-ah tirin thil awm dan zirchiang turin a ti a, hei hi Manipur Chief Minister hlui Ibobi Singh-an a ngenna tihhlawhtlinna a ni.
“Manipur boruak a la tangin dinhmun a la chhe hle a. Union Government hian State-ah boruak muanawm a awm theih nan hma a la tur a ni. Community tin ten remna a awm theih nan tihtur an nei a ni,” tiin Kharge chuan a sawi.
May 3 khan ‘Tribal Solidarity March’ Manipur-a district 10 a neih hnuah buaina chhuakin hei hi Meitei community tena Scheduled Tribe (ST) status an ngiat duhlohna lantirna a ni.
Manipur mipui 53% te chu Meitei an ni a, Imphal Valley a cheng ber an ni a. Tribal Nagas leh Kukis te ang chu mipui 40% vel niin hill districts-ah an awm ve thung.
PM Modi ngawi reng hrethiam lo
Get real time updates directly on you device, subscribe now.
Prev Post