PM Narendra Modi-an Manipur sawi lang duh lo zui zel

Prime Minister Narendra Modi chuan India rama martar te chawimawi nan Independence Day thlengin ‘Meri Maati Mera Desh’ campaign kalpui a ni dawn tiin a sawi a. Manipur buaina chungchang chu \awngkam khat pawhin a la sawi lang chuang lo.
Thla tina radio kaltlanga thusawina Mann Ki Baat a neihah Modi chuan ‘Amri Mohatsav’ chu August 15 dawnah khawiah pawh tarlanin a awm \hin a, kumin hian campaign lian tak ‘meri Maati mera Desh’ tih chu kalpui a ni ang tiin a sawi.
He campaign hi martar huaisen chawimawina tur a nih thu sawiin ram tana India ram hmun hrang hranga nunna chan te chawimawina tur a ni a ti bawk a. Heng mite hriat reng nan hian special inscription chu village panchayats nuai chuangah dah a ni dawn a ni tiin a sawi bawk.
He campaign chhung hian ‘Amrit Kalash Yatra’ pawh kalpui a ni ang a ti bawk a. “He Amrit Kalash Yatra hmang hian India ram hmun hrang hranga khua a\angin Kalash 7,500 lakkhawm a ni ang a. Heng Kalash, soil leh plants 7,500 te a\anga ‘Amrit Vatika’ chu National War Memorial bulah dah a ni ang” tiin PM Modi chuan a sawi bawk.
A thusawinanah Modi chuan tun hnaiah a sorkar chuan Haj policy a neih te pawh a thlak danglam thu sawiin tunah chuan mi tam zawk an kal theih tak thu sawiin. Hmeichhia 4,000 chuangin mipa te kaihhruaina tel lovin Haj an kal tia sawiin chu chu thil inthlak danglam lian tak a ni, tiin prime minister chuan a sawi bawk.