Pole vault world record siam thulh thei lo Duplantis

Pole vault world record siam hulh thei lo Duplantis
Sweden tlangval Armand Duplantis chuan karliamta Zirtawpni khan France ram Clermont-Ferrand khua Maison des Sport hmuna All Star Perche Meet-ah men’s pole vault hnehna chang chungin a um 11-na atan world record thar a siam leh tawh!
He intihsiakah hian Duplantis chuan metre 6.27-a sang zuankhum chungin nikum August thlaa Silesia lama record a siam hnuhnunber (6.26m) a khum a, mipa pole vault-a a ropuina a nemnghet zual zel.
All Star Perche Meet-a pahnihna Emmanouil Karalis (6.02m) chuan Greek record thar siam ve bawkin, mipate zingah competition pakhata 5.91m leh a chunglam zuang thleng zo parukna a ni.
Kum 25-a upa Duplantis hian France ram inelna a hmachhawn hma ni chiah khan ama puala a hla tihchhuah ‘Bop’ tih chu hminglem (nickname) ‘Mondo’ tih hming puin a tichhuak a; Zirtawpniah tiang lekkang chungin 5.65m, 5.91m, 6.02m leh 6.07m sanga kham chu awlsam tein a zuankhum mai a, chutah world-record attempt atan 6.27 an kham chu a khum zui leh ta mai a ni!
A vawi 11-na atana world record a siam leh hnu lawkah Duplantis hian Instagram lamah a hla thar chungchang post siamin, “In ngainat ve vek ka beisei,” a ti.
Duplantis hian world record um 11 a sualchhuah tawhte hi centimetre khat te tea a siam chhoh keuh keuh niin, kum 2020 aang khan world record hi siam anin, tunhnai thla 11 lek chhungin vawi 11 tehreng a record thar a siam hman!
Kum 2014 daih tawh khan Renaud Lavillenie of France chuan metre 6.16 zuangin world record a lo siam ve tawh a, kha mi hnu kha chuan Swedish star char char hi world record kawltu a ni chho ta a