Politics hi thalai tana telna tlakin siam danglam a ngai – PC Vanlalruata

Politics hi thalai tana telna
tlakin siam danglam a ngai
– PC Vanlalruata
Politics-a inhman chu thil zahthlak dawn dawn angin thalai thenkhatin an ngai tawh a, chu chu thlak danglamin, thianghlim taka politics kaltlanga ram rawng a bawl theih zia lantir a ngai tih minister PC Vanlalruata chuan a sawi.
ZPM Thalai Hqrs-in Krismas urlawk an neih hmanpuitu minister PC Vanlalruata chuan, thalai thenkhatin politics chu telna tlaka ngai loin hun rei tak an lo hnuchhawn tawh a, politics-a thalai inhman chu thil zahthlak dawn dawn anga ngaih thin chu siam danglamin, thalaite tana tel zahna chi a nih zia leh thianghlim takin politics kaltlangin ram rawngbawl hna a thawh theih zia lantir zel turin a chah.
Hmanpuitu dang, minister B Lalchhanzova chuan, thenkhat chu opposition atanga ruling-a an awmin awm dan an thiam lo thin tih a sawi a. Ruling nih hnu in ‘pressure’ a na tawh a, mahni tana hreawm tur khawpa pressure insiam loh tur, tiin a chah. “Party-a kan luh chhan a in anglo theuhin a rinawm. Keini chu kan danglam bik tur a ni a, midangten kan party-a awm an chak ngawih ngawih theihna turin kawng engkimah fimkhur leh thianghlim taka kal a pawimawh,” a ti.
ZPM Thalai president pawhin he hunah hian thu a sawi a. Kawng engkimah, kan kal zelna turah tlo a pawimawh tih a sawi.