Politics vangin sakhuana chep – Vanlalawmpuii

Politics vangin sakhuana a chep a, politics atanga do let a ngai tih Congress Mahila president Vanlalawmpuii Chawngthu chuan a sawi.
MP inthlan atana Congress party-in Inrinnia Aizawla sakhaw humhimna street campaign an neihah Vanlalawmpuii Chawngthu chuan BJP leh a thawhpuite hi sawrkar leh ta se, engtin nge Mizo mipui hi kan awm zel ang tih zawhna a awm a. Zalen taka Lalpa rawng kan bawlna hi a bo tawh anga, Missionary-ten chanchin tha an hril zelna hi a harsa em em tawh dawn, tiin a sawi.
“Thenkhatin sakhuana hi politics-ah lalut suh u, tiin an sawi thin. Nimahse, politics avangin sakhuana a chep a, politics atangin kan do let a ngai ta zawk a ni. Congress, ZPM, MNF sawi a hun lo, BJP lamtang nge kan nih Pathian rawng bawl zel duh kan nih tih inenfiah kan ngai,” a ti.