Pope Francis a boral

Pope Francis a boral
Pope Francis, Roman Cahotlic Church a Latin American leader ni hmasa ber chu April 21, 2025 khan a thi tih Vatican chuan Video statement siamin a tarlang.
Vatican camerlengo Cardinal Kevin Ferrell chuan Francis chenna Domus Santa Marta chapel atangin Holy Father Francis, Bishop of Rome chu zing lam dar 7:36 ah a thi tiin a nun pum chu Pathian leh a Kohhran tan a hmangral a ni a ti.
Pope Francis kha a thih hma Easter Sunday khan St. Peter’s Square ah mi sang tam tak te malsawm turin a inlan nghe nghe a ni.
Pope Francis khan hun rei tak atang khan bronchitis vangin thawk lamah harsatna a nei a, kar tam tak damdawi In-ah awmin March 24, 2025 khan damdawi in a chhuahsan chauh a ni.
Hrisel lohna hrang hrangin tlakbuakin a khupruh tha lo te, khel bawr leh colon lam fello te avangin a buai reng a. Thawklam harsatna a neihna chhan hi chu kum 21 mi a nih laia a lung dinglama harsatna tawka hleh then a nih vang nia sawi a ni.
Pope te hi Apostel Peter aiawh zel tu, head of college of bishops leh Vicar of Christ bakah he leia Catholic church te pastor an nih thu Catholic church in-house cannon law chuan a tarlang a. Pope Frnacis kha March 13, 2013 khan Pontiff 266 na ni tura thlan a ni.
Pope a nih chungin Catholic Church chhungah reform tam tak siamin, Latin American Pope hmasa ber a nih mai bakah LGBTQIA chungchang a ngaihdan te, climate change, refugee chungchang te chu langsar taka sawi langin, tun hnai lawkah pawh Gaza-a Israel airstrike a sawisel bawk.
Jorge Mario Bergoglio tih hming chawiin Argentina-ah a piang a, Jesuit priest-a bultanin chumi hnuah Archbishop of Buenos Aires leh cardinal niin Argentina ah kohhran enkawlin a hun tam zawk a hmang a, Argentine sorkar nen pawh conservative issues thilah te an inbakkaih fo bawk.