Pope-in amah sawiseltu Bishop ban hmak
Pope Francis chuan Texan bishop Joseph Strickland, Cathilic church chhunga Pope leadersip Natyaka sawisel thin chu a ban.
Vatican chuan bishop chu a Diocese of Tyler chhuichianna neih hnuah a hna atanga chawlhtir a ni ang, a ti a.
Bishop Strickland hi US Catholicism branch a thawm nei na ber niin Pope-in reform a kalpui dodaltu lian a ni.
A hma lawkin Pope Francis chuan US Catholic church leader te chu ‘hnugntawlh’ tiin a lo sawi tawh bawk a.
Bishop Strickland chuan Pope in social matter hrang hrang heng nautitlak, transgender rights leh same-sex marriage chungchanga Kohhran dinna siam thar a tumna chu a lo dodal tawh a ni.
July thla khan Catholic teaching a ‘basic truths’ te chu thlak danglam tum mek a ni tia sawiin chungte chu inneihna namnul tumna tia sawiin inneihna chu Pathianin mipa leh hmeichhiate inkar chauha kalpui tura a ruat a ni, a ti.
Pathianin a siam dan thlak danglam tum te tiin natakin a sawisel bawk a. ‘thil thlak danglam thiang lo thlak danglam tum’ chuan kohhran chhungah helna siam that theih tawh loh a thlen ang a ti bawk a. Reform siam tum te chu ‘schismatics dik tak te an ni’ tiin a sawi bawk.
Bishop Strickland hi Vatican in a chhui reng niin a hma pawhin bang tura nawrin a ban theihna tur siamsak a lo ni tawh a, hei hi a chhan ber chu September thlaa Pope hnenah amah ban tura open letter a thawn vang a ni.
“Bishop of Tyler atangin ka bang thei lo va, a chhan chu ka thurualpui te phatsan ang ka ni dawn a ni,” tiin a sawi.
Right-wing “Coalition for Canceled Priests” te chuan kumtir lama conference an neihnaah Bishop Strickland chu thlawp ni se an lo ti tawh thung.
Bishop Strickland hi kum 65 mi niin kum 2012 khan bishop atana hlankai a ni a, khatih lai khan Benedict XVI chu pope a nih lai a ni.
Ningani kalta khan Vatican chuan transgender te chu Catholic Church ah thil fel lo emaw leh scandal a thlen dawn lo a nih chuan baptisma chantir theih tiin a lo sawi tawh bawk a.
October thla khan Pope Francis chuan Catholic Church chuan same-sex couple tena malsawmna an dawn theih nan a inhawn a ngai tiin cardinal rual kalkhawmte hnenah sawiin ‘keini hi hnawl leh thehchhuak thei tura thuneitu kan ni lo’ tiin a sawi.