Porugal ram kang a la reh thei lo

Portugal ram kang chuan ziaawm lam a la pan thei lo zel a, kangthelhtu sang 5 chuang zetin chhun zan zawma thelh hna an la thawh reng avangin an chau tawh hle.
Ramkang hian chenna in thenkhat a tihchhiat nual tawh bakah, ramngaw acre singkhat chuang chu a kang chhe tawh. Portugal prime minister Luis Montenegro chuan, “Vanduaina lungchhiatthlak tak a ni. Kangthelhtute an chau tawh em em a, hmun hima mipuite hruai turin police lam pawh an chet zung zung a ngai bawk. Thenawm ram atangin thlawhna hmanga kangthelh hna thawk turin puihna kan dawng a, tanpuina dang hrang hrang kan dawng nual bawk. Kan theihtawp kan chhuah zel dawn a ni,” a ti.
Kangmei a nasat avangin Portugal rampumah khawlum a zual phah hle a, hmun vawt a tlem tial tial bawk. Ei leh in lakluh kawngah hmun thenkhat atanga tlawh pawh an harsa tan a, hei hian mihring tam tak tan harsatna a thlen nasa hle.
An ram thenawm France, Spain leh Morocco atangin sipai leh kangthelhna hmanrua hrang hrang hmangin tanpuina an dawng tawh a, EU ram dangte pawh tanpui tura chetchhuak inpeih rengin an awm bawk.