Post Malone ‘I Had Some Help’ feat. Morgan Wallen a la Hot

Post Malone ‘I Had Some Help’ featuring Morgan Wallen chu Billboard Hot 100 (singles) chart-ah a No.1 a, he chart-a kar hnih a No.1-na a ni ta. Hetihrual hian Billie Eilish hla thar ‘Lunch’ pawh top 5-ah a debut.
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio arplay leh sales data te chu tehna pawimawh a ni. ‘I Had Some Help’ hian stream maktaduai 55 leh sales 21,000 a la nei thei a, radio airplay pawh ngaithlatu maktaduai 42.2 a la nei a, hei hi a kar hnih nan chart-ah a No.1 pui leh ta a ni.
Chart No.1 hlui Kendrick Lamar ‘Not Like Us’ chu No.2-ah bawk awm lehin, Tommy Richman ‘Million Dollar Baby’ pawh No.3-ah bawk a la awm a, Shaboozey ‘A Bar Song (Tipsy)’ pawh No.4-ah bawk a la awm.
Billie Eilish hla tar ‘Lunch’-in stream maktaduai 32.8 leh sales 3,000 neiin, radio airplay-ah pawh ngaithlatu maktaduai 20.2 a nei thei a, hei hi chart No.5-ah a debut pui ta a ni. Eilish hian he chart top 10-a lang thei hla paruk a nei tling ta a ni.
Sabrina Carpenter ‘Espresso’ chu No.9 atangin No.6 a kai thar leh a, chart No.1 hlui Teddy Swims ‘Lose Control’ chu No.6 atangin No.7-ah a tawlh a, Benson Boone ‘Beautiful Things’ chu No.5 atangin No.8-ah tawlhin, Hozier ‘Too Sweet’ chu No.10 atangin No.9 a kai thar leh a, chart No.1 hlui Taylor Swift ‘Fortnight’ featuring Post Malone