POTUS leh FLOTUS first dance

US President 47-na Donald Trump, kum 78, leh First Lady Melania Trum, kum 54, te chuan commander-in-chief Inaugural Ball-ah POTUS (President of the United States) leh FLOTUS (First Lady of the United States) angin an second term bul tanna lam hmahruai an nei ta.
He event hi Walter E Washington Convention Centre, Washington-ah neih a nia, POTUS leh FLOTUS ten lam hmahruai an neih hnuah Vice President JD Vance leh Second Lady Usha Vance ten an zawm ve leh a, chumi hnuah sipai stage-a rawn kal te nen lampui tur an inthlak kual leh ta a ni.
FLOTUS Melania Trump hian darbah nei lo (strapless) kawrfual var, a duma chei hain, accessories-ah choker dum leh silver pendant a awrh bawk. First Lady a nalh zeih zawih khawp mai. POTUS Trump erawh a inchei classic deuh a, tuxedo dum leh bowtie dum nakah kawr var a ha ve thung. An nupa hian ‘Battle Hymn of the Republic’ hlaah an lam dun a, a hnu deuhah President Trump leh a nupui hi hot deuh zawkin ‘YMCA’ hla, Trump-a’n a campaign-naa a hman lar tak an lampui leh bawk. He event-ah hian country star Jason Aldean leh disco band The Village People te pawh an perform.
Commander-in-Chief Inaugural Ball hi President thar lak luh lawmna event tum thum an neih zinga pakhat niin, President leh a khualtha te an inlan a, he event bakah hian Liberty Ball leh Starlight Ball te a awm leh bawk.