Prime Minister in Africa tlawh dawn

Prime minister Narendra Modi chuan kum 17 hnua India PM in Africa ram a tlawh hmasak berna ni turin November 16 leh 17 chhung hian Nigeria a tlawh dawn tih Ministry of External Affairs chuan thawhlehni khan a sawi.
Modi hian Nigeria ram a tlawh hunah hian New Delhi leh Abuja inlaichinna nghet lehzual neih dan tur bakah, hmalam hun atana inpuihtawnna tha zawk an neih dan tur a sawipui dawn a ni.
External Affairs Ministry chuan prime minister in Nigeria a tlawh tur hi kum 17 hnua India PM in Nigeria a tlawh leh hmasak ber tur a nih thu a sawi a, ram pahnih inlaichinna tha zawk neih dan tur hrang hrang bakah, thawhdun dan tur an sawi dawn tih sawiin, India mi awmte hnenah thusawina a neih dawn thu a sawi bawk.
Tin, hemi hnu hian Modi hian Brazil khawpui Rio De Janeiro-ah G20 summit hmang turin a tel nghal dawn a, he summit hi nikum khan India chuan a lo thleng tawh a ni.