Prince William leh Kate Middleton an inthen dawn em ni?
British Royal Family buainain kian zai a rel thei tak tak lo a ni ber e. An mo pakhat Meghan Markle avangin boruak an nei tawh a, Harry-a’n lal chhungkuaa a dinhmun zawng zawng hlipin, USA-ah a nupui fanu te a pem pui daih a, chumi hnu lawkah King Charles a cancer tih an hrechhuak a, a hnu leh deuh lawkah Princess Kate Middleton a cancer tih an hre chhuak leh bawk. Kate-i hi inenkawlin, a tha chhuak leh tawh a, mipui hmuh tur pawhin a inlan leh zauh zauh tawh laiin an nupa inkarah khi a awm niin an sawi a, inthen an tin ve leh deuh rûn tawh niin thu thang a awm leh ta. Hetianga thuthang a awm tawh ni chuan a dik duh riau lehnghal!
Princess William chuan a pa, King Charles-a ukil hman thiam Harbottle & Lewis kalsanin, a nu Princess Diana-i’n Charles nena an inthen dawna a ukil rawih Mishcon de Reya a ruai ve leh ta tlat mai a, nupa inthenna lama ukil thiam bik ni a sawi a ruai thar tlat hian British Royal Family chhungah buaina inmung a awm tih a entir niin media lam chuan an ngai deuh tlat a ni.
Prince William leh Princess Kate-i te nupa inkar hi internet lamah chuan thu thar pawh a ni tawh bik lo a. Nikum pawh khan inthen an tum tih sawi thawm a lo thang hat tawh. Mahse, an nupa inkarah buai a awm tih leh inthen an tum tih hi official-a puan engmah a awm lo a, chutih laiin an nupain mipui hmaah an inlan zauh zauh zawk lawi si a ni.
Royal couple chungchang hi mipuiin mitsir ru reng mah se anmahni hnaihtu thenkhat chuan Prince William leh Kate-i te inkar hi a tha niin an sawi ve thung a, mahse, tunhnaia William-a’n nupa inthenna lama thiam bik ukil a ruai thar ta thut hian ti ti a titam leh ta riau a ni.
Prince William leh Kate Middleton an in\hen dawn em ni?
Get real time updates directly on you device, subscribe now.