Zudio LPS Pro Fight 2024 khelh tan hun tura ruahman an lo siam tawh chu tawh sawn tlai hretin November ni 1 atanga khelh tan tur a nih thu organiser lamin an puang.
An ruahmanna thar siam ang chuan November ni 1, Zirtawpni zana LPS Arena, Falkland-a inhnek tan tur chuan December chawlhkar hmasaber thleng a awh dawn a ni.
Kumin Pro Fight tan hun atan October ni 28, Thawhtanni zan tihfel a lo ni tawh a, mahse, LPS Arena hman chungchang leh remchan zawkna avangin ni liin an sawn hla.
Mizoram chhung leh pawn atangin kum 17 atanga kum 40 inkar a duh apiang, mahni sensoin an tel theih dawn a;
September ni 23, karleh Thawhtanni atangin LPS Office, Zarkawtah tel tur tan entry form pakhat Rs. 10 zelin a lak theih ang.
Nikumah boxer 281 telin, kuminah engzatnge inlan dawn hriat la ni lo mah se Organising Committee chuan kum kalta aia tam an nih a beisei a, chutih rualin December kar hmasa ber thleng championship awh turin ruahmanna a siam lawk a n.
Pro Fight vawi 11-na buatsaih leh a ni dawn tih puanzar a nih hnuah India ram state dang atangin ngaihventu an awm nghal.
Kum dangah thenawm state atanga tel an awm fo tawh a, tun tumah hian Andaman and Nicobar Island atangin boxer engemawzatin tel an tum tih an sawi a, tihchian erawh a la ni lo.
Weight hrang panga fly (kg 48-52), bantam (kg 52-56), light (kg 56-61), welter (kg 61-67) leh middle (kg 67-74)-ah title an inchuh dawn a; mimal chawimawina tel loin lawmman pawisa fai Rs. 6,50,000 semchhuah a ni ang.
Pro Fight tan hun sawn tlai
Get real time updates directly on you device, subscribe now.
Prev Post
Next Post